Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





Wiiss-Chragenachbar  
mit Kabörne und Äissgiubs!
>> Mehr Infos

Es Putztüfeli und e  
Restaurationsfachfrou/Ma!
>> Mehr Infos

"Ihri Füess schmöcket!"  
Ferienanekdote Teil 2/3!
>> Mehr Infos







Mir bruuche Verstärkig in Form vomene

Putztüfeli uf en April oder nach Vereinbarung,

wo am Dräck i üsem Huus a Chrage geit, em Schtoub im Löie der Chrieg erchlärt
u so es Schtrahle is Huus bringt, dass mir glänzigi Ouge überchöme.

Dr Iisatz wär jewils am Morge, 2-3 mal pro Wuche mit Wuchenänd so 3 bis 5 Schtunde.
Üses Huus schteit e chli im Chruut usse, drum wäris praktisch,
wenn das Tüfeli mobil wäri. Es würdi derfür vomene familiäre Team fröidig ufgno.

Dr Roland Steiner fröit sich scho tüflisch uf Öies Telefon!
 
Gasthof Löwen, 3376 Berken,
Tel: 062 963 17 44


Restaurationsfachfrou/Ma uf August 2017 

die mir isetze möchte zum Gläser mit feine Sache z’fülle, gluschtigi Täller
u volli Plateaux a Tisch z‘träge u  üser Gäscht dermit zum Schtrahle z’bringe.

Das Ganze sötti basiere uf
ere gsunge Protion Bruefsliebi,
ere abgschlossne Bruefslehr im Restaurationsfach,
uf viu  Fröid am Bruef u Motivation,
uf em Interässi, üsi Philosophie vo früsch, huusgmacht, persönlich u Gäscht orientiertem Schaffe
mit üs zäme umz’setze und usz’läbe,
uf Fröid am Schaffe im Team
und uf em Allerwichtigschte:
uf ere coole, ehrliche Persönlichkeit, wo ruehig e chli crazy darf si, wiu mir si’s ou!

Mir hei in üsem Huus für d’Verstärkig parat:

Es familiärs Arbeitsklima imene junge(d’Cheffe mau usgnoh), zwäge  Team,
gregleti Freizit u gueti Arbeitsbedingige bi 6 Wuche Ferie,
e Chuchi, wo regional ichouft u früsch verarbeitet und e Service,
wo uf Persönlichkeit u Gäschtewohl viel Gwicht leit.

Tönt doch guet, oder?

Mir fröie üs uf Dini Bewärbig!

Roland Steiner u Markus Meier
Gasthof Löwen
3376 Berken
062 963 17 44
www.loewenberken.ch
info@loewenberken.ch