Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





Wiiss-Chragenachbar  
mit Kabörne und Äissgiubs!
>> Mehr Infos

Es Putztüfeli und e  
Restaurationsfachfrou/Ma!
>> Mehr Infos

"Ihri Füess schmöcket!"  
Ferienanekdote Teil 2/3!
>> Mehr Infos







Ferienanekdote Teil 1

Wiiss-Chragenachbar mit Kabörne und Äissgiubs.


Früsch zwäg gmacht gö mir am Aabe usem Zimmer im Feriehotel Richtig Bar, do meint Roli plötzlich: „Lueg, das schöne blaue Hemmli mit wissem Chrage u Goudmanschette, wo üsä Zimmernachbar do anne het“. Luege ume, dänke s‘Gliiche u scho wäit mir e schwäre Rouchschwade vo sir Zigarre um d’Nase.

Ir Bar am Schtrand acho, hocke mir ab u luege däm Typ zue, wie’n’är mit sir uftagglete Frou derhär chunnt cho z’dampfe u vor em Grüesse der Chäuner chaltschnöizig frogt: „Where is smoking allowed?“ Hocket im zuegwiesene Egge ab u verpeschtet mit sim Schtumpe üsi gueti Luune. Si Frou bschtellt so theatralisch  überschpitzt es Glas „Kabörne Soovinion from Sauss Africa wif Äisgiubs“, dass sie sich bim Usschpräche vo „Sauss“ fasch i d’Lippe biisst, wiu sie unbedingt ihri früsch gwiissgete Zäng wott zur Schou schtelle. Am Aabe derna s gliiche Prozedere, das mau aber mit „a lott of  Äissgiubs“.
Am dritte Aabe gfrüürt üs scho z’Lache, wo mir die Zwöi gseh cho. U wo sie mit ihrne Schtögelischueh tänzelnd zur Chef de Service meint: „Öuu, yuu luuk näiss tunäit“ (besagti Chef de Service het übrigens jede Aabe s’gliiche Tenu an) wärmt sich mi Schtimmig wieder, wiu ig unweigerlich a d’Miss Piggy vor Muppet show muess dänke. U da cha ou die aschliessendi Bemerkig „tunäit äi niid iven mor Äissgiubs in mäi Kabörne! A höul Boul full!“ mi nümm la froschtig wärde.

S’Fazit vo dere Gschicht?
Ja, ganz eifach! Settigs fallt eim numme uf, we me ungerforderet isch u plötzlich Zit het,
die angere z’beobachte. Mit angerne Wort: mir si erholt u wieder parat.  

Mir fröie üs, Öich ab em Mittwuch, 22. Februar wieder bi üs z'Gascht z'ha,
serviere Öich aber garantiert kener Iiswürfel im Cabernet!

Roland Steiner, Markus Meier u Mitarbeiter