Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





Mir troue am Wätter nid!
Gschlosse bis 30.4.21
  

>> Mehr Infos

Am Sunntig 18. April
Gulasch u Ravioli

>> Mehr Infos

Glace- u Getränkestand
diräkt näbem Löie!

>> Mehr Infos







Es brodlet (aber nid ir Chuchi)
 
 
Normalerwiis schnipslets, schnätzlets, brutzlets, chochets u schmorets bi üs ir Chuchi,
aber im Momänt schmuure nume no d’Härdöpfu u d’Rüebli, wo no verlasse im Chüelschrank bliibe si.

Einzig  allei  i eim Egge loufts heiss u brodlets: im Büro vom Löie.
Dert schmoret eine rächt deftig u einsam vor sich häre u verbratet viu Närvezälle. Chunnt sich vor wie ne Papierchoch,
zerleit hie es Formular, bschtellt dert en Uszug, berächnet näbedra e Verluscht, reklamiert dert äne bimene Amt,
wo die einti Hang nid weiss, was die angeri macht, kontrolliert die falsch glieferete Formular,
filetiert se müehsam usenang, schickt se separiert wieder ab u schmoret unger dene Formularbärge,
won är am liebschte würd verbrönne. Wiu das Ganze, won är zämewurschtlet, isch eifach
 
nid gniessbar u nid verdoulich.
 
U schlussändlich wieder numme e Schiggane, wougmerkt ou für die arme, chline Arbeiter uf de Ämter,
wo nume dörfe mache, was me ne vo obe här seit.
 
Zum Glück isch das aues numme e Troum, wiu so ne Situation git’s ja nid würklich im reale Läbe?
Würklich? Schpöteschtens wenn är i sim heissgloffne Büro uf e Kontouszug luegt, weiss er,
dass es die rohi Realität isch und es wird ihm nid warm ums Härz derbi.
Überau ghört me, dass d'Schpröi vom Weize trennt wärdi, dass me aus im Griff heigi, Hilf chömi,
me die büttlete Hüüser gsengi, aber diejenige, wo oben inne hocke, luege fei e chli  mit grosse Schöiklappe i die ganzi Misere.
Es isch nid eso, wie s gseit worde isch. Viufach Habakuk, Hiufsgälder fliesse nid u
die erteilte Hilfene si a vielerlei unrealisierbari Bedingige knüpft.
(zB: Lernende-Arbeitslosegälder numme bi Vollbeschäftigung! Hallo? Üs ischs Huus zueto worde).

Es isch nümm schön!!! So langsam gö d’Geduld,  d’Resärve u d’Närve zur Neige!
 
Wenigschtens chöi mir jetz d’Sunne u der kommendi Früehlig gniesse.
Heit e schöne Früehlig u hoffentlich bis gli bi üs

im Löie z‘Berken

Markus Meier, Roland Steiner
u Mitarbeiter