Mir si für Öich do näb em Löie

mit eme Glace- u Getränkestand, wo üser Lernende unger üser Ufsicht ufboue hei!

Es feins Buurehof-Gläceli vo Geissbüehler's?
Es heisses Käfeli? Mit chli Güx?
Es Cüpli Adank-Schuumwy oder es Gläsli Schwizer Wy?
E feine Hot-dog oder es chüschtigs Chüechli?
Oder e Punsch, es Mineralwasser?
Oder es Bärner Müntschi?
E feine Spitzbueb oder e Nussgipfu? 

Das biete mir Öich diräkt näb em Löie.
Sigs als Stopp bim spaziere, als Usfahrtsziil, eifach eso oder um mit üs e chli chönne z'brichte. 

A de schöne Sunntige biete mir zuesätzlich a verschiedene Ständ:

- Belper Forällefilet mit säuber gmachter Tatarsauce
- Huusgmachti Ravioli
- Marti's Kalbsbratwurst mit Senf u 
- Kadi-Pommes frites

Informieret Öich eifach uf Facebook oder hie, wenn s'nöchschte Datum agseit isch!

Es sich es chlises Agebot, wo mir loufend tüe erwitere, aber mir dörfe Öich wieder gseh u öppis abiete.
Es git kener Tischli u Schtüehl, aber derfür es Gläsli Wy und öppis z'häberle u mir und üser Lernende si dert.

Mir si täglich bi schönem Wätter vo 12.00 bis 17.00 für Öich da u fröie üs uf Öiche Bsuech
im früsch vo üsne Lernende us em Bode gschtampfte

"Aareblick"-Stand bim Löie z‘Berken

We mir Öich nid dörfe bi üs im Huus betröie, tüe mir das haut im chline Rahme im Aareblick ufrächt erhalte.

Bis gli im Aareblick

Markus Meier, Roland Steiner
die Lernende u Mitarbeiter